Vorið, afmælið og balletsýningin

Mikið er langt síðan ég hef skellt inn færslu hérna. Það er mikið að gera á stóru heimili, sl vikur hafa verið þétt bókaðar og hver einasti dagur upptekin. Mikið að gera í vinnunni hjá mér og að halda utan um félagslífið hjá öllum krefst svolítillar fyrirhafnar og tíma, en þetta fer allt að róast í næstu viku. 

 

 

Vorið er svo sannarlega komið hérna á norður Als og hitinn fór upp í 23 gráður í gær með sól og tilheyrandi, gróðurinn er allur farin að taka við sér og laufin á trjánum spruttu á 2 dögum. Við erum búin að vera dugleg að vinna í garðinum sem hefur verið óhirtur sl ár, og hann er allur að koma til nú vantar bar fín skraut blóm og hlið svo að hlaupa drottningin okkar sleppi ekki í burtu á meðan við skvísurnar erum í sólbaði.

Það hefur legið svolítið á að garðurinn komist í gott stand því að núna í mai og júní þurfum við bókstaflega að flytja út í garð því það á að taka eldhúsið og baðherbergin bæði  í gegn, svo að við verðum baðherbergis- og eldhúslaus í mánuð.. gaman að því.

 

Karólína varð 8 ára í síðustu viku og það var haldið upp á daginn með stæl, þar sem hún er prinsessan á heimilinu var auðvitað PRINSESSU þema og öllum gestum ráðlagt að mæta í sínu fínasta pússi, helst í prinsessukjól eða sjóræningja búning. við vorum rosalega heppin með veður og grilluðum pylsur í nýja grillinu okkar og borðuðum prinsessukökur. 

 

 

 

 

Ég setti inn heilan helling af myndum úr frábæru afmæli á facebook sem hægt er að sjá HÉR ef þið viljið skoða betur

 

 

 

 

 

 

 

 

 

 

 

 

 

 

 

 

 

 

 

Og svo að lokum þá má ekki gleyma sjálfri ballettsýningunni sem er búið að vera að æfa fyrir sl mánuði.

Mikið rosalega vorum við stolt af stóru stelpunum okkar í dag, Sigurgrímur átti ekki orð og hann skemmti sér bara svona vel á ballettsýningunni, jafnvel  þó svo að hann hafi setið einn úti í sal með Maríu.  Ég fékk það hlutverk að hjálpa til á sýningunni og halda utan um einn hópinn, sem gaf mér þá þau forréttindi að fá að vera með allan daginn og á æfingunni og taka myndir Því miður var ég upptekin við að klæða og greiða á meðan stóra æfingin hjá Karólínu var svo að ég náði ekki myndbandi af æfingunni hennar, en ég náð held ég öllu öðru. 

Karólínu hópur voru Rúnenskar Babúskur og Elenu hópur Ítalskar blómarósir, þarna voru svo líka kúrekar, arabískar stúlkur, kósakkar, skoskar, spænskar og kínverskar stúlkur. Sýningin var ótrúlega flott. Hér er heimasíðan hjá skólanum þeirra.

 

 

 

 

 

 

 

 

 

Ég hvet ykkur til að spóla aðeins til baka og sjá myndbandið af Karólínu sem var tekið í janúar og sjá hvað henni hefur farið ÓTRÚLEGA fram. Það er ótrúlega gaman að sjá hvað Íþrótt getur haft áhrif á marga hluti. Hún er algjörlega að brillera þarna.  

Elena Dís er líka að standa sig frábærlega og var boðið að færa sig upp um hóp í sumar, ég held að það segi bar allt sem segja þarf, hún fékk það hlutverk að leiða hópinn (fremst í miðju) í sýningunni sem er voðalega mikill heiður.

 

 

 

 

 

Karólína á sýningunni.

 

Elena á sýningunni 

 

Frá æfingunni hjá Elenu (mikið betri gæði)

 

Ég bara verð að setja þetta með inn þetta er tekið á æfingu hjá Karólínu í janúar sami dans....... þvílík framför.

 

 

 

 Og svo að lokum þá fórum við út að borða með skvísurnar okkar til að halda upp á þær.

Athugasemdir

[Ásdís Sigurðardóttir, 1.5.2010 kl. 11:30]

Lífið er yndislegt hjá ykkur, hjartað mitt hoppar af gleði yfir hamingju ykkar. Hjartanskveðja til ykkar allra.

[Eyrún (IP-tala skráð) 2.5.2010 kl. 02:19]

Stórglæsilegar stelpurnar ykkar greinilegt að þið eruð alveg að brillera þarna og sumarið er tíminn ójá hahaha

Kveðja Eyrún

[Ásta Björk (IP-tala skráð) 2.5.2010 kl. 15:44]

Vá hvað þetta eru flott myndbönd og myndir:):):)

Hefði verið til í að koma en það verður bara að vera næst:):):)

og já sumarið er sko komið;)

 Sjáumst kannski í vikunni skvís

[Tinna, 2.5.2010 kl. 18:40]

Takk fyrir það.

Skólastjórinn hringdi svo í gær og Elenu Dís var boðið í framhaldi af þessu í prufu hjá Konunglega danska ballettinum í Kaupmannahöfn í næstu viku. Það koma útsendarar hingað og þá verður farið yfir líkamann á henni skoðuð á henni mjaðmagrindin og ath með hvort að allt sé ekki 100% Það er mikið eftirlit með þessu, ekki nema 2 mánuðir síðan þær fóru báðar í svona tékk. Allt kom út vel þá hjá þeim báðum.

Svo sjáum við hvað þau segja, það er ekki víst að hún fari að æfa með þeim því hun er jú bara 8 ára og verður yngst í þessari prufu. En þetta boð er mikil viðurkenning fyrir litla ballerínu.

Mont mont mont :D

[Kristín Guðmundsdóttir (IP-tala skráð) 17.6.2010 kl. 21:24]

Voðalega gaman að sjá stelpurnar ykkar Elena og Karólína eru svakalega flínkar á sýningunum sínum

Mikið langar mig að knúsa Maríu Ísól sú er orðin stór og myndarleg stúlka, Það væri gaman að láta dömurnar hittast einhvern daginn.

Annars er bara allt gott að frétta héðan. Bið að heilsa í kotið :)

Kveðja 

Kristín, Bogey Sigríður og Sævar

Lykilorðið er :skyggnir (inn á barnaland) ;)