Kvennabúr Sigurgríms

Jæja þá er næstum komin rútína á okkur hérna í kvennabúrinu. 

 

Stelpunum gengur mjög vel í skólanum, búnar að eignast fullt af vinum. Elena Dís er farin að tala dönsku í skólanum og við vinkonur sínar, sem er ótrúlegt miðað við að hafa verið hér í aðeins 4 vikur. Hún er búin að vera í dönsku kennslu í skólanum sínum en núna er hún komin inn í bekkinn sinn og fer aðeins í 2 tíma á dag í dönskuna, 3-4 daga í viku. Hún er einnig komin með sömu námsbækur og hinir í bekknum og gefur ekkert eftir.

Karólínu líður mun betur í Havnbjergskole en í gamlaskólanum sínum og á marga vini hér á sínum aldri og fellur betur inn í hópinn í skólanum. Kennarinn hennar er alveg yndisleg og Karólína er búin að bjóða henni í kaffi hingað heim. Hún er orðin læs á íslensku og hlakkar til að fá að læra heima á daginn, sem segir ansi margt um hvernig henni gengur.

Þær eru nú alltaf að prakkarast eitthvað og komu td. með frosk í nestisboxinu sínu í gær og gáfu mér, hehehehe. 

 

Stóru stelpurnar í hverfinu koma hérna við daglega til að fá að fara út með Maríu Ísól að labba, svo að henni leiðist sko aldeilis ekki. 

 

 

 

Sigurgrímur er búin að vera að vinna í Háskólanum í sumar við að gera vinnuaðstöðuna í skólanum betri. Hann var svo að fá vinnu sinni framlengt við að aðstoða fyrsta árs nemendur í vetur og kenna þeim til verka á vinnustofunni....... svo að núna er hann kennari við virtan háskóla í Danmörku , hohohohoho. En þetta er alveg slatta vinna, einir 6 tímar á viku. 

 

Athugasemdir

[Ásdís Sigurðardóttir, 27.8.2009 kl. 22:05]

Ég er svo glöð að fylgjast með ykkur og sjá hvað þið blómstrið saman.  Knus á línuna.

[Tinna, 27.8.2009 kl. 22:16]

Takk, takk :)

[Hjördís Ósk (IP-tala skráð) 29.8.2009 kl. 09:48]

Dásamlegt ... til hamingju með þetta allt :)