Ferð í dýragarðinn

14.9.2009 | 21:21

Við skelltum okkur til Odense um helgina og fórum í dýragarðinn, það var rosalega gaman, passlega stór garður og voða skemmtilega uppsettur. Tókum HELLING af myndum og stelpurnar skemmtu sér rosalega vel.

Elenu fannst mest til koma til sækúnna og risa fiskabúrsins. Og María næstum tapaði sér hjá geitunum eins og sést á myndbandinu... annars gelti hún bara á öll dýrin.

María litla var bitin í fingurinn af póny folaldi þegar hún var að benda á voffan.. hehe og var ekkert mjög hress með það.

rétt á eftir sáum við skilti.....

Ef hesturinn er súr, þá bítur hann.... hehe æjæj..

hann var súr.... eða svangur í litla klístraða putta.

Stelpurnar eru byrjaðar að æfa "fimleika" ef fimleika má kalla Police

..... Karólína er í leikfimi tíma einu sinni í viku, þar eru þau að hoppa hlaupa og gera ýmsar æfingar, og hún kemur rennandi sveitt heim, þetta á mjög vel við hana og hún þekkir flestar stelpurnar í hópnum. Elena var aftur á móti í miklum vandræðum með að finna hóp við hæfi, því barna leikir og æslagangur er ekki henni mikið að skapi þegar að æfingum kemur. Sideways

En hún virðist vera búin að finna hóp sem á betur við hana, það er einhverskonar jazzballet hópur( eldri stelpur ) en því miður er ekki mikið í boði fyrir metnaðarfulla krakka eins og hana, nema einhverjir öfga keppnis hópar - sem við erum ekki alveg að nenna... GetLost

Hún er ánægð og líður vel svo að það er fyrir öllu.

Annars fór Elena í skólaferðalag í vikunni með bekknum sínum og gisti yfir nótt. Ég er ekki frá því að 3 grá hár hafi sprottið á hausnum á mér þann sólarhringinn. Ég þurfti ekki að hafa miklar áhyggjur, hún skemmti sér ótrúlega vel og eignaðist helling af nýjum vinum. Þau gistu í kofa í miðjum skóginum, tíndu sér hnetur og ávexti í matinn, fóru á ströndina, bökuðu pönnukökur í varðeldinum, fóru í leiki í skóginum og héldu svo náttfata-diskó svo eitthvað sé nefnt... Andlitið var eitt stórt bros þegar hún kom til baka.