Bekkjarmyndir

  

Lífið gengur sinn vanagang, nóg að gera í skólanum hjá Sigurgrími og kennslan gengur vel hjá honum. 

Umsjónakennarar stelpnanna komu í heimsókn til þeirra í vikunni,  það er skemmtileg hefð hér í Havnbjergkskole að kennararnir  koma heim til barnanna í foreldraviðtalið einu sinni á ári. Þetta gefur þeim tækifæri á að kynnast og skilja börnin í bekknum sínum betur... ég gleymdi því miður myndavélinni þennan daginn en stelpurnar lögðu ægilega fínt á borð fyrir kennarana sína, helltu upp á kaffi, höfðu voða kósí, gáfu þeim kökur og sýndu þeim myndir af foreldrum sínum á Íslandi og í Kína og útskýrðu sína einkennilegu en áhugaverðu fjölskyldu. Það tekur kennarann 3 daga að fara og heimsækja allan bekkinn sinn. 

Það er mikið um að vera í skólanum hjá þeim, þau eru með öfluga heimasíðu þar sem að hægt er að fylgjast náið og vel með því sem er gert í skólanum, krakkarnir eru reglulega tekin úr tíma til að hlusta á stutta tónleika, horfa á danssýningar osfv.  Þau eru núna að æfa samkvæmisdansa fyrir dansleik sem verður bráðlega haldin í skólanum. Það virðist mikið vera lagt upp úr menningu og félagslífi í skólanum þeirra. www.havnbjerg-skole.skoleintra.dk 

 

 

María Ísól er ótrúlega duglega að tala og kallar sí og æ á systur sínar "Nenena og Kanína"  þess á milli syngur hún hástöfum ... sérstaklega í búðum.... hún er með ótrúlega kröftuga rödd miðað við lítinn líkama og fólki dauðbregður þegar það sér söngvarann litla. 

Hér er hún svo að horfa (syngja & dansa) á Latabæ.... á dönsku. 

 

 

Athugasemdir

[Hjördís Ósk (IP-tala skráð) 23.9.2009 kl. 20:55]

Æðislegar myndirnar af systrunum í alveg eins :o) Og María sætasta að syngja og dansa heheh.

Frábær hefð þarna úti að kennararnir koma í heimsókn ;) 

 Knús til ykkar ... hér er allt á fullu í reunionundirbúningsvinnu og spennan er farin að magnast :o) 

[Ásdís Sigurðardóttir, 27.9.2009 kl. 12:46]

Yndislegar myndir, ég á litla frænku sem horfir mikið á "Labadæ" krúttlegt.

[Eva Mjöll (IP-tala skráð) 29.9.2009 kl. 10:04]

Ótrúlega gaman að fylgjast með ævintýrum ykkar í danaveldi og hvað þú ert dugleg að setja inn nýjar fréttir og myndir. Stelpurnar virðast allar alsælar brosa allan hringinn á hverri einustu mynd.

Knús til ykkar frá Akureyrinni - þar sem var hvít jörð þegar við vöknuðum í gær!!

Eva Mjöll

[Ragna Valdís Elísdóttir, 29.9.2009 kl. 16:40]

Takk fyrir kveðjuna já það er nú alveg komin tími á að hittast og leifa stelpunum að hittast humm þið vitið hvar við erum ef þið þorið he he